ḳhud hī diyā jalātī huuñ
apnī shaam sajātī huuñ

maiñ hī apne ḳhvāboñ ko
aksar aag lagātī huuñ

shahr-e-tamannā meñ jā kar
kitne phuul khilātī huuñ

tum bhī mujh se rūThe ho
maiñ bhī kahāñ manātī huuñ

apnī is tanhā.ī ko
yādoñ se bahlātī huuñ

KHud hi diya jalati hun
apni sham sajati hun

main hi apne KHwabon ko
aksar aag lagati hun

shahr-e-tamanna mein ja kar
kitne phul khilati hun

tum bhi mujh se ruThe ho
main bhi kahan manati hun

apni is tanhai ko
yaadon se bahlati hun

Source: Saat Suron Ki Mithi Halchal