lamha-e-imkān ko pahlū badalte dekhnā
ātish-e-be-rañg meñ ḳhud ko pighalte dekhnā

ishq meñ ye faisla hai is dil-e-saudā.ī kā
ḳhud ko girte dekhnā us ko sambhalte dekhnā

iztirāb-e-dard meñ had se guzar jaanā nahīñ
husn-e-shām-e-ārzū kā ruup Dhalte dekhnā

umr-e-be-andāz ko kaafī sahārā ho gayā
ḳhvāb-e-ḳhush-andāz us ke saath chalte dekhnā

reg-e-be-tadbīr meñ parvāz mahv-e-ḳhvāb hai
ik havā-e-tez meñ us ko machalte dekhnā

āsmāñ ai āsmāñ kyā merī qismat meñ nahīñ
us nigah meñ ḳhvāhishoñ kī aag jalte dekhnā

lamha-e-imkan ko pahlu badalte dekhna
aatish-e-be-rang mein KHud ko pighalte dekhna

ishq mein ye faisla hai is dil-e-saudai ka
KHud ko girte dekhna us ko sambhalte dekhna

iztirab-e-dard mein had se guzar jaana nahin
husn-e-sham-e-arzu ka rup Dhalte dekhna

umr-e-be-andaz ko kafi sahaara ho gaya
KHwab-e-KHush-andaz us ke sath chalte dekhna

reg-e-be-tadbir mein parwaz mahw-e-KHwab hai
ek hawa-e-tez mein us ko machalte dekhna

aasman ai aasman kya meri qismat mein nahin
us nigah mein KHwahishon ki aag jalte dekhna

Source: Book : siip-volume-47 (Pg. 54)