dekhā jo husn-e-yār tabī.at machal ga.ī
āñkhoñ kā thā qusūr chhurī dil pe chal ga.ī

ham tum mile na the to judā.ī kā thā malāl
ab ye malāl hai ki tamannā nikal ga.ī

saaqī tirī sharāb jo shīshe meñ thī paḌī
sāġhar meñ aa ke aur bhī sāñche meñ Dhal ga.ī

dushman se phir ga.ī nigah-e-yār shukr hai
ik phāñs thī ki dil se hamāre nikal ga.ī

piine se kar chukā thā maiñ tauba magar 'jalīl'
bādal kā rañg dekh ke nīyat badal ga.ī

dekha jo husn-e-yar tabiat machal gai
aankhon ka tha qusur chhuri dil pe chal gai

hum tum mile na the to judai ka tha malal
ab ye malal hai ki tamanna nikal gai

saqi teri sharab jo shishe mein thi paDi
saghar mein aa ke aur bhi sanche mein Dhal gai

dushman se phir gai nigah-e-yar shukr hai
ek phans thi ki dil se hamare nikal gai

pine se kar chuka tha main tauba magar 'jalil'
baadal ka rang dekh ke niyat badal gai

RECITATIONS Fasih Akmal



00:00/00:00 dekha jo husn-e-yar tabiat machal gai Fasih Akmal