Warning: session_start(): open(/tmp/sess_bnj6gqggk0mn7erp6pilbkov64, O_RDWR) failed: No space left on device (28) in /razi/eraazi/darbari/chunmun/index.php on line 15
aatish-e-bagh aise bhaDki hai ki jalti hai hawa

Subscribe to our newsletter and get our newest updates

Imdad Ali Bahr

  • Ghazal


aatish-e-bagh aise bhaDki hai ki jalti hai hawa


ātish-e-bāġh aise bhaḌkī hai ki jaltī hai havā
kūcha-e-gul se dhuāñ ho kar nikaltī hai havā

soz-e-vahshat meñ dhueñ kī shakl kāhish hai mujhe
maiñ havā khātā nahīñ mujh ko nigaltī hai havā

dam agar niklā badan se phir baḌī taskīn hai
ḳhaak patthar ho ke jamtī hai jo Taltī hai havā

giryae-e-ushshāq se kīchaḌ hai aise jā-ba-jā
thaam kar dīvār-o-dar galiyoñ meñ chaltī hai havā

jā-ba-jā mujh ko liye phirtī hai duniyā kī havas
baiTh jaatā hai bagūlā jab nikaltī hai havā

gulshan-e-ālam kī nairañgī se hotā hai yaqīñ
phir shagūfa phūltā hai phir badaltī hai havā

haiñ bhī aaheñ to muñh se bāhar aatā hai jigar
zarre ko rauzan se aksar le nikaltī hai havā

nāzukī meñ shāḳh-e-gul hai sarv-e-bālā yaar kā
jhoñke letā hai jo āhista bhī chaltī hai havā

ḳhaak uḌtī hī jo us ke paañv se gul-gasht meñ
phūloñ ke muñh par bajā.e ġhāza maltī hai havā

dekhiye chal kar zarā kaifiyyat-e-josh-e-bahār
jhūmte haiñ peḌ gir gir kar sambhaltī hai havā

nā-rasā.ī dekhnā uḌtā hai jab merā ġhubār
yaar ke koThe ke kānis se phisaltī hai havā

garmiyoñ meñ sair gulzāroñ kī bhātī hai mujhe
har qadam par pañkhiyā phūloñ kī jhaltī hai havā

ḳhaar kahte haiñ uThā kar uñgliyāñ gul kī taraf
phuul jaate haiñ vo kaisā jin ko phaltī hai havā

sarv-e-qirtās-e-muqarriz huuñ maiñ is gulzār meñ
ḳhaak meñ paanī milātā hai masaltī hai havā

'bahr' pañkhā haath se rakh do nihāyat zaar huuñ
mauj-e-dariyā kī tarah mujh ko kuchaltī hai havā

aatish-e-bagh aise bhaDki hai ki jalti hai hawa
kucha-e-gul se dhuan ho kar nikalti hai hawa

soz-e-wahshat mein dhuen ki shakl kahish hai mujhe
main hawa khata nahin mujh ko nigalti hai hawa

dam agar nikla badan se phir baDi taskin hai
KHak patthar ho ke jamti hai jo Talti hai hawa

giryae-e-ushshaq se kichaD hai aise ja-ba-ja
tham kar diwar-o-dar galiyon mein chalti hai hawa

ja-ba-ja mujh ko liye phirti hai duniya ki hawas
baiTh jata hai bagula jab nikalti hai hawa

gulshan-e-alam ki nairangi se hota hai yaqin
phir shagufa phulta hai phir badalti hai hawa

hain bhi aahen to munh se bahar aata hai jigar
zarre ko rauzan se aksar le nikalti hai hawa

nazuki mein shaKH-e-gul hai sarw-e-baala yar ka
jhonke leta hai jo aahista bhi chalti hai hawa

KHak uDti hi jo us ke panw se gul-gasht mein
phulon ke munh par bajae ghaza malti hai hawa

dekhiye chal kar zara kaifiyyat-e-josh-e-bahaar
jhumte hain peD gir gir kar sambhalti hai hawa

na-rasai dekhna uDta hai jab mera ghubar
yar ke koThe ke kanis se phisalti hai hawa

garmiyon mein sair gulzaron ki bhati hai mujhe
har qadam par pankhiya phulon ki jhalti hai hawa

KHar kahte hain uTha kar ungliyan gul ki taraf
phul jate hain wo kaisa jin ko phalti hai hawa

sarw-e-qirtas-e-muqarriz hun main is gulzar mein
KHak mein pani milata hai masalti hai hawa

'bahr' pankha hath se rakh do nihayat zar hun
mauj-e-dariya ki tarah mujh ko kuchalti hai hawa


Source: Book : Mujalla Dastavez (Pg. 207) Author : Aziz Nabeel Publication : Edarah Dastavez (2010) Edition : 2010

Leave a comment

+