hunar se jaa.e kisī ke na fan se jaatā hai
lahū kā daaġh kahīñ pairahan se jaatā hai

ba-sad adā nigah-e-sīm-tan se jaatā hai
jigar ke paar har ik tiir san se jaatā hai

numūd-e-teġh-e-badan ma.arke kā jauhar hai
dikhā ke piiTh kahīñ koī ran se jaatā hai

ragoñ meñ soz-e-ġham-e-ishq se lahū hai ravāñ
so vahshī aage nikal kar hiran se jaatā hai

mizha pe hotā hai raushan charāġh-e-tanhā.ī
asīr-e-zulf agar anjuman se jaatā hai

na koī tesha na sañg-e-girāñ na jū-e-shīr
junūn-e-ishq dil-e-kohkan se jaatā hai

hunar se jae kisi ke na fan se jata hai
lahu ka dagh kahin pairahan se jata hai

ba-sad ada nigah-e-sim-tan se jata hai
jigar ke par har ek tir san se jata hai

numud-e-tegh-e-badan marke ka jauhar hai
dikha ke piTh kahin koi ran se jata hai

ragon mein soz-e-gham-e-ishq se lahu hai rawan
so wahshi aage nikal kar hiran se jata hai

mizha pe hota hai raushan charagh-e-tanhai
asir-e-zulf agar anjuman se jata hai

na koi tesha na sang-e-giran na ju-e-shir
junun-e-ishq dil-e-kohkan se jata hai