Warning: session_start(): open(/tmp/sess_ndpta49ifdrhrj7hedmclv67t5, O_RDWR) failed: No space left on device (28) in /razi/eraazi/darbari/chunmun/index.php on line 15
kya jaane kitne hi rangon mein Dubi hai

Subscribe to our newsletter and get our newest updates

Kaif Ahmed Siddiqui

  • Ghazal


kya jaane kitne hi rangon mein Dubi hai


kyā jaane kitne hī rañgoñ meñ Duubī hai
rañg badaltī duniyā meñ jo yak-rañgī hai

manzar manzar Dhaltā jaatā hai pīlā-pan
chehra chehra sabz udāsī phail rahī hai

piilī sāñseñ bhūrī āñkheñ surḳh nigāheñ
unnābī ehsās tabī.at tārīḳhī hai

dekh gulābī sannāToñ meñ rahne vaale
āvāzoñ kī ḳhāmoshī kitnī kaalī hai

aaj safedī bhī kaalā malbūs pahan kar
apnī chamaktī rañgat kā mātam kartī hai

saarī ḳhabroñ meñ jaise ik zahr bharā hai
aaj aḳhbāroñ kī har surḳhī niilī hai

'kaif' kahāñ tak tum ḳhud ko be-dāġh rakhkhoge
ab to saarī duniyā ke muñh par syāhī hai

kya jaane kitne hi rangon mein Dubi hai
rang badalti duniya mein jo yak-rangi hai

manzar manzar Dhalta jata hai pila-pan
chehra chehra sabz udasi phail rahi hai

pili sansen bhuri aankhen surKH nigahen
unnabi ehsas tabiat tariKHi hai

dekh gulabi sannaTon mein rahne wale
aawazon ki KHamoshi kitni kali hai

aaj safedi bhi kala malbus pahan kar
apni chamakti rangat ka matam karti hai

sari KHabron mein jaise ek zahr bhara hai
aaj aKHbaron ki har surKHi nili hai

'kaif' kahan tak tum KHud ko be-dagh rakhkhoge
ab to sari duniya ke munh par syahi hai


Source: Shab Khoon(Shumara Number-073)

Leave a comment

+